بما اني هتكلم عن قطار البسطاء فطبعا هتكلم بالبلدي ...بصراحة شديدة كان نفسي أشوف شكل القطر على الحقيقة لأنى دايما بشوفة
في الأفلام والمسلسلات وبرامج التوك شو بس !! لكن التجربة على أرض الواقع شىء مختلف ..هى في الحقيقة مثيرة ومضحكة
ومتعبة ومخيفة فى نفس الوقت !!..بعد ما قطعنا التذاكر أنا وعيلتى الصغيرة رحنا لرصيف المحطة . طبعا كنا محتارين وتايهين
لأن القطارات كتيرة والأرقام كتيرة ،أخيرا أكتشفنا رقم القطر اللى موجود فى التذاكر معانا وطبعا جرينا وأحنا ميتين من الضحك
علشان نحاول نلحق مكان نقعد فية بعد الزحمة الرهيبة دية ...من عربية لعربية لغاية ما وصلنا لآخر عربية فى القطر وأخيرا والحمد لله لقينا تلت كراسي وقعدنا بفضل الله وده فى حد ذاتة كان انجاز كبير !! طبعا مش عاوزة أوصفلكم الناس اللى كانت فى القطر شكلها كان عامل ازاي لأن ملامحهم مش باينة من التعب ..ومش عاوزة كمان أحكيلكم عن نظافة القطر وريحتة لأنكم أكيد عارفين من غير ما أقول ..! معظم اللى كانوا راكبين القطر طلبة وعمال كلهم رايحيين لأهاليهم فى نهاية الأسبوع خاصتا ان يوم الأحد كان أجازة
علشان كدة القطر كان زحمة جدا والناس كانت واقفة على السلالم وكنا هنموت من الحر وقلة التهوية ..وبالرغم من كدة الناس كانوا بيضحكوا على نفسهم ..!!!! محطة بعد محطة القطر بدأ يفضى والهوا بدأ يدخل وبدأنا ناخد نفسنا تانى بعد ما كنا قربنا نموت
..لكن الغير متوقع أن شكل القطر لما الناس نزلت كان ( مخيف جدا ) كان عامل زى قطار الأشباح وخصوصا بعد ما دخل علينا الليل والأبواب كانت بتخبط في بعضها والنور ضعيف جدا تقريبا مش شايفين بعض ..بصراحة اتمنينا ان الزحمة ترجع تاني لأن القطر من غير ناس وحش !! فى آخر محطة بعد أكتر من أربع ساعات الحمد لله رب العالمين وصلنا الأسكندرية .....
بصراحة مش عارفة أحنا ممكن نكرر التجربة تانى ولا نحمد ربنا على النجاة ومنكررهاش تانى ..!!!
في الأفلام والمسلسلات وبرامج التوك شو بس !! لكن التجربة على أرض الواقع شىء مختلف ..هى في الحقيقة مثيرة ومضحكة
ومتعبة ومخيفة فى نفس الوقت !!..بعد ما قطعنا التذاكر أنا وعيلتى الصغيرة رحنا لرصيف المحطة . طبعا كنا محتارين وتايهين
لأن القطارات كتيرة والأرقام كتيرة ،أخيرا أكتشفنا رقم القطر اللى موجود فى التذاكر معانا وطبعا جرينا وأحنا ميتين من الضحك
علشان نحاول نلحق مكان نقعد فية بعد الزحمة الرهيبة دية ...من عربية لعربية لغاية ما وصلنا لآخر عربية فى القطر وأخيرا والحمد لله لقينا تلت كراسي وقعدنا بفضل الله وده فى حد ذاتة كان انجاز كبير !! طبعا مش عاوزة أوصفلكم الناس اللى كانت فى القطر شكلها كان عامل ازاي لأن ملامحهم مش باينة من التعب ..ومش عاوزة كمان أحكيلكم عن نظافة القطر وريحتة لأنكم أكيد عارفين من غير ما أقول ..! معظم اللى كانوا راكبين القطر طلبة وعمال كلهم رايحيين لأهاليهم فى نهاية الأسبوع خاصتا ان يوم الأحد كان أجازة
علشان كدة القطر كان زحمة جدا والناس كانت واقفة على السلالم وكنا هنموت من الحر وقلة التهوية ..وبالرغم من كدة الناس كانوا بيضحكوا على نفسهم ..!!!! محطة بعد محطة القطر بدأ يفضى والهوا بدأ يدخل وبدأنا ناخد نفسنا تانى بعد ما كنا قربنا نموت
..لكن الغير متوقع أن شكل القطر لما الناس نزلت كان ( مخيف جدا ) كان عامل زى قطار الأشباح وخصوصا بعد ما دخل علينا الليل والأبواب كانت بتخبط في بعضها والنور ضعيف جدا تقريبا مش شايفين بعض ..بصراحة اتمنينا ان الزحمة ترجع تاني لأن القطر من غير ناس وحش !! فى آخر محطة بعد أكتر من أربع ساعات الحمد لله رب العالمين وصلنا الأسكندرية .....
بصراحة مش عارفة أحنا ممكن نكرر التجربة تانى ولا نحمد ربنا على النجاة ومنكررهاش تانى ..!!!
دي حقيقة فعلا الله يكون في عون الناس دية
ردحذفانصحك متكرريش التجربة..هههه
ردحذفاحمدي ربنا على النجاه
ردحذفههههههههه..تجربة وعدت
ردحذف